التصاقات الرحم بالمثانة

عرست عندي عامين و شوية قبل العرس كانت الدورة الشهرية منتظمة و بعد العرس ولات مش منتظمة و تقعدلي بالجمعتين كي مشيت للطبيب قلي عندك endometriosis
و قلي لازمك تعمل عملية كحت curettage
اما بحكم اني نسكن في تركيا و وقتها مزلت ما نعرف اللغة مليح ما عملتش العملية و داويت روحي بالاعشاب و بعد سبعة شهور مالعرس حبلت و. ولدت ببنتي بعملية قيصرية و نذكرلك كي كان عمري ثمنية سنين عملت عملية على كيس البول...نهار ولادت بنتي الطبيبة خبرت راجلي و اهلو الي الرحم لاصق في المثانة و تشبه حالتها لحالة وحدة والدة قبل..حياتي الزوجية تقلبت و لتوا نعيش مهددة بالطلاق ..و قاعدة كل مرة نلوج على تفسير لحالتي نحب نثبت لراجلي الي اني عمري ما حبلت قبل ولا ولدت و لا عملت حتى عملية قيصرية
سؤالي هل يمكن وحدة مالحالتين الي مريت بيهم قبل تكون سبب في التصاق الرحم بالمثانة؟؟؟
سامحني طولت عليك و ربي يبارك فيك